HULANDA — E ekipo di PSV den oranan di ayera a laga hasi un estudio mas avansá riba rudia di Jetro Willems. Esaki despues ku e futbolista yu di Kòrsou a bolbe leshoná su rudia den preparashon pa regresá den futbòl siman pasa.
Segun e ekipo di PSV, Jetro a sufri mesun leshon ku esun di algun luna pasa. Ku esaki e defensa lateral di e ekipo lo pèrdè algun tempu mas sin mira akshon.
For di zomer ultimo ora e ekipo di PSV tabata tin un kampamentu di entrenamentu na Fransia Jetro a leshoná su rudia. E la rekuperá di esaki ultimo simannan promé ku tempu i a kuminsá praktiká atrobe. Na un di e práktikanan Jetro a kai riba su rudia ku konsekuensia ku e la bolbe leshoná su rudia.
Pa e próksimo seis simannan Jetro lo tin ku sosegá i apstené di aktividat di futbòl. Despues di esaki lo hasi un estudio atrobe riba rudia di Willems pa wak si e por kuminsá entrená atrobe.