HAITI — E selekshon di Kòrsou U-20 di dama a kai vensí den wikent den nan di dos partido di e CFU Women’s U-20 Championships den Stadion Sylvio Cator na Haiti. E selekshon di Korsou a enfrenta Jamaica den nan di dos partido i a duna un bon bataya den e prome mitar. E agresividat di e selekshon di Korsou a kasi dunanan e bentaha den prome mitar.
Den e di dos mitar Jamaica a bin fuerte i a kue e bentaha na di 51 minut di e partido. Jamaica a amplia e bentaha na di 62 minut. Ku esaki Jamaica ta gana ku skor di 2-0 di Korsou i lidera Grupo B ku 6 punto. Korsou ta keda den bom ku sero punto.
Awe Korsou ta enfrenta e selekshon di St.Vincent & The Grenadines.