WILLEMSTAD — Liga MCB Promé Divishon ta kontinuá e wikènt aki ku e inisio di e partidonan di e buèlta di 4 den SDK. E 4 ekiponan ku a pasa pa e buèlta di 4 ta e siguiente ekiponan; Centro Dominguito, Centro Barber, Victory Boys i Hubentut Fortuna. Miéntras ku lamentablemente Jong Holland i Undeba no a logra klasifiká mas pa e buèlta di 4. Preis pa Liga MCB Promé Divishon buèlta di 4 ta lo siguiente; adulto ta paga fl.10,- miéntras mucha te ku 12 aña i 60+ ta paga fl.2.50,-.
E wikènt aki kos lo bai ta mas kayente ku nunka, e buèlta di 4 ta bai kuminsá!
Tabla di posishon Liga MCB Promé Divishon buèlta di 6:
| WH | WG | WE | WP | Pt | GF | GK | Saldo | ||
| 1 | CENTRO DOMINGUITO | 5 | 2 | 3 | 0 | 9 | 5 | 2 | 3 |
| 2 | C.S.D. BARBER | 5 | 2 | 2 | 1 | 8 | 11 | 7 | 4 |
| 3 | VICTORY BOYS | 5 | 2 | 2 | 1 | 8 | 7 | 8 | -1 |
| 4 | HUBENTUD FORTUNA | 5 | 1 | 3 | 1 | 6 | 8 | 7 | 1 |
| 5 | UNDEBA | 5 | 2 | 0 | 3 | 6 | 8 | 9 | -1 |
| 6 | JONG HOLLAND | 5 | 0 | 2 | 3 | 2 | 4 | 10 | -6 |
| 30 | 9 | 12 | 9 | 39 | 43 | 43 | 0 |
Wega nan pa wikènt binidero, Liga MCB Promé Divishon buèlta di 4:
| Djabièrnè | 18 sept.15 | 20.00 | C. Dominguito | Hub. Fortuna | SDK |
| Djasabra | 19 sept. 15 | 20.00 | CSD Barber | Victory Boys | SDK |
Liga MCB Segundo Divishon lo yega na su final ora ku djaluna, 21 di sèptèmber binidero Vesta enfrentá Inter Willemstad pa asina bataya pa e titulo máksimo di Liga MCB Segundo Divishon. E wega aki lo tuma lugá den SDK pa 8or i lo kosta Fl.5,- pa adulto i fl.2.50 pa mucha te ku 12 aña ku 60+.
Tabla di posishon Liga MCB Segundo Divishon buèlta di 4:
| WH | WG | WE | WP | Pt | GF | GK | Saldo | ||
| 1 | Vesta | 3 | 3 | 0 | 0 | 9 | 13 | 4 | 9 |
| 2 | Inter Willemstad | 3 | 1 | 1 | 1 | 4 | 4 | 6 | -2 |
| 3 | U.D. Tera Kora | 3 | 1 | 0 | 2 | 3 | 8 | 8 | 0 |
| 4 | Marquita | 3 | 0 | 1 | 2 | 1 | 3 | 10 | -7 |
| 12 | 5 | 2 | 5 | 17 | 28 | 28 | 0 |
Despues di e gran final di Liga MCB Segunda Divishon i Kòrsou haña sa ken ta e ekipo kampion di liga MCB Segundo Divishon, lo mester tuma lugá e 2 partidonan di Promoshon/Degradashon. Durante e 2 partidonan aki, sea Vesta òf Inter Willemstad lo mester hunga kontra di Sithoc pa sa si Sithoc lo degradá pa Segunda Divishon òf si Vesta òf Willemstad lo promové pa Liga MCB Promé Divishon. E 2 partidonan aki lo tuma lugá dia 25 i 30 di sèptèmber binidero na SDK 8or di anochi i lo kosta fl.6,- pa adulto i fl.2.50 pa mucha te ku 12 aña i 60+.
Resultado di e último weganan di Liga MCB Segundo Divishon buèlta di 4:
| Djarason | 16 sept.15 | Marquita | U.D. Tera Kora | 2-4 |
| Vesta | Inter Willemstad | 4-1 |
Gran Final Liga MCB Segundo Divishon:
| Djaluna | 21 sept.15 | 20.00 | Vesta | Inter Willemstad | SDK |
Partidonan di Promoshon/Degradashon:
| Djabièrnè | 25 sept.15 | 20.00 | Sithoc | Kampion Segundo Divishon | SDK |
| Djarason | 30 sept.15 | 20.00 | Kampion Segundo Divishon | Sithoc | SDK |