WILLEMSTAD — Djamars 28 di September 2015, miembronan di diferente team di Futbòl na nos dushi Isla Kòrsou mester entrega nan voto pa diferente puestonan den Direktiva di FFK. I esei ta nifiká ku puesto di Presidente di FFK tambe lo ta disponibel i Kòrsou ta kla pa un kambio!!!
Despues di e tremendo trabou di e team tras di Nos ta 12, Kòrsou a realisá ku mester bini un kambio drástiko den nos Futbòl National. Mester bin Inovashon, Transparensia i Dedikashon na tur nivel di nos deporte Futbòl. I Ramiro Griffith ta e kambio nesesario pa un desaroyo progresivo den Federashon Futbòl Kòrsou (FFK).
Ramiro no ta solamente un Hóben dinámiko, íntegro, profeshonal, korekto I ku eksperensiá den diferente area di e deporte futbòl, pero tambe den a area super importante ku ta maneho. Aktualmente Ramiro ta Direktor Interino di ACU I Ramiro ta un persona bon prepará den tur aspekto di komunikashon, finansa, Relashon Públiko I su karakter simpátiko I agradabel ta un aspekto positivo ku lo tin hopi influensia den relashonnan I dialogonan International.
Ramiro a hunga futbòl den Centro Dominguito I ta e aktual presidente di Centro, tambe Ramiro a hunga futbòl I forma parti di Eredivisie SC Heerenveen I Veendam i pa kulminá tambe hoofdklassers divisie na FC Lisse ter Leede Appingedam na Hulanda. Ramiro tin 15 aña di eksperensia komo hungadó di Futbol riba diferente nivel I lo e por aportá inmenso na Federashon Futbòl Kòrsou.
Ramiro ta kere ku bo mester forma un direktiva transparente I honesto ku ta konsistí di miembro nan eksistente I tambe kara nan nobo ku por trese ideanan nobo I Inovativo.
Trahando den Union, habriendo porta pa skucha kada un nesesidat nan di diferente team nan di Futbòl ta e promé stap ku mester wòrdu tuma pa por mehorá I strukturá e rumbo nobo I Inovativo ku FFK tin ku bai tuma.
Ramiro ta sigui splika ku sin oido pa otro miembro di direktiva of teamnan, lo no or bin un kambio, pasobra e direktiva nobo lo traha sin pia ni kabes. P’esei e ke implementá Open Door Policy, kaminda opinion di kada un persona den direktiva I tambe miembro nan di team lo haña e trato igual I oportunidat pa trese nan ideanan dilanti.
Trahando huntu I transparente nos por logra kosnan grandi den Futbòl di Kòrsou.
FFK mester di un kambio, I mi ta para pa esei.