WILLEMSTAD — Den wikènt tras di lomba Liga MCB Promé Divishon su buèlta di seis a kontinuá ku tres partido den Stadion Ergilio Hato. Riba djabièrnè e ekipo di UNDEBA a enfrentá Victory Boys. Akinan tabata Victory Boys ku a logra e viktoria i ala bes e pase pa buèlta di kuater derotando UNDEBA ku skor di 2-1. Pa Victory Boys e golnan a keda anotá pa Randel Winklaar i Raylison Lindo. Miéntras ku e úniko pa UNDEBA e keda anotá pa Alejandro Araujo.
Djasabra e buèlta di seis a kontinuá ku e partido entre Centro Barber i Hubentut Fortuna. E partido aki a finalisá na un empate despues ku ambos ekipo a anotá 3 gol. E empate sin embargo tabata sufisiente pa hinka Hubentut Fortuna den buèlta di kuater i eliminá UNDEBA. Pa Centro Barber e golnan a keda anotá pa, Geryon Alberto(2x) i Christopher Isenia. Miéntras ku pa Hubentut Fortuna e golnan e keda anotá pa, Luis Fruto Miranda, Ishuar Martina i un outogol.
Riba djadumingu tabata Centro Dominguito i Jong Holland ku a mira akshon. Akinan tabata tin otro empate ora ku ambos ekipo a anotá 1 gol. Pa Centro Dominguito e gol a keda anotá pa Norvianel Naar. Mientras ku pa Jong Holland e gol a keda anotá pa Neverick Matheus.
Tabla di posishon:
| Ekipo | H | G | E | P | GF | GK | GD | Pt. | |
| 1 | Centro Dominguito | 5 | 2 | 3 | 0 | 5 | 2 | 3 | 9 |
| 2 | Centro Barber | 5 | 2 | 2 | 1 | 11 | 7 | 4 | 8 |
| 3 | Victory Boys | 5 | 2 | 2 | 1 | 7 | 8 | -1 | 8 |
| 4 | Hubentut Fortuna | 5 | 1 | 3 | 1 | 8 | 7 | 1 | 6 |
| 5 | UNDEBA | 5 | 2 | 0 | 3 | 8 | 9 | -1 | 6 |
| 6 | Jong Holland | 5 | 0 | 2 | 3 | 4 | 10 | -6 | 2 |