Jair Jurrjens laga den libertat

MERKA — E ekipo di Albuquerque Isotopes ku ta afiliá na Colorado Rockies den Tripel A a laga Jair Jurrjens den libertat. Esaki tabata Jair su di dos temporada ku e organisashon di Colorado Rockies.

E temporada aki Jair a pèrdè basta tempu pa motibu di leshon. Esaki por ta tambe e motibu dikon e picher di Kòrsou no a logra di ta konsistente e temporada aki. Jair a e temporada aki a logra un rèkert di 2-5 ku un efektividat di 6.88 den 17 partido.