MERKA — E ekipo di Daytona Tortugas a pone Carlton Daal riba lista di hungadó inkapasitá. Esaki despues ku e pelotero a risibí un picheo den kara den e di dos partido di djárason 19 di ougùstùs kontra Brevard County Manatees.
Segun informashonnan risibí di e ekipo, Carlton aparentemente tin un nanishi kibra i su kara tabata basta hincha ayera. Inisialmente e pelotero a keda pone riba lista di hungadó inkapasitá pa shete dia pero segun e ekipo di Daytona Tortugas, nan no ta kere ku Carlton lo hunga e temporada aki mas. Esaki konsiderando ku e temporada di e ekipo ta finalisá dia 6 di sèptèmber próksimo. Sin embargo e ekipo ta konvensí ku Carlton lo bin bek fuerte otro aña.
E temporada aki, Carlton a logra un promedio di .270 ku 21 base roba i 30 kareda empuha den 112 partido ku Daytona Tortugas den Klase A avansá