Wladimir Balentien su regreso ta keda retrasá

HAPON — E regreso di Waldimir Balentien ku e ekipo di Tokyo Yakult Swallows lo keda retrasá ku mas of ménos un luna. E pelotero di Kòrsou tabata plania pa ta bek ku e ekipo den mitar di e luna aki, pero esaki a kambia. Awor e ekipo di Tokyou Yakult Swallows ta spera e pelotero te den e di dos parti di sèptèmber.

Balentien a leshoná den e partido di 24 di aprel ultimo. Esaki tabata e úniko partido ku Wladimir a forma parti di dje e temporada aki.

Wladimir lo ta di sumo importansia pa e ekipo di Swallows ku aktualmente ta bringando pa mantené nan posishon riba e tabla di posishon den Liga Sentral di Beisbòl Profeshonal Hapones. Swallows ta empatá ku Yomiuri Giants na un wega i mei tras di Hanshin Tigers.