MERKA — Ozhaino Albies konsiderá un di e prospektonan top den Liga Menor aktualmente lo no mira akshon mas e temporada aki pa Rome Braves. Albies ku ta hungando den Klase A a keda diagnostiká ku un fraktura chikí ta su dùim drechi.
Te ku algun dia pasa e organisashon di Atlanta Braves tabata tin e speransa ku Ozhaino lo por regresá bek e temporada aki. Pero faltando mas of ménos un luna den e temporada di Liga Menor, e organisashon di Braves a opta sede Albies di akshon e temporada aki. Segun e Direktor di Operashonnan di Beisbòl, John Hart, e idea te na e momentunan aki ta pa laga Albies rekuperá i tin ne kla pe e Liga Instrukshonal.
Ozhaino tabata fenomenal den su promé temporada den Klase A. Den 98 partido e pelotero di Kòrsou a logra un promedio di .310 ku 21 doblete, 8 tripel i 29 base roba. Ku e prestashon aki Ozhaino a logra sali Hungadó di Siman pa e siman di 11 di mei, tambe pelotero a keda selekshoná pa e South Atlantic League All Star Game i den Futures All-Star Game.
Ku Albies hungando den e Liga Instrukshonal na sèptèmber próksimo e lo rekuperá e luna ku e la pèrdè aki. Mirando atras riba e temporada ku Albies tabata tin siguiente temporada lo e risibí un promoshon, probablemente pa Klase A avansá.