WILLEMSTAD — Liga MCB Promé Divishon ta kontinuá ku e partidonan di e segundo buèlta rumbo pa e buèlta di 6 ku ta bai kuminsá próksimamente! Miéntras tantu Liga MCB Segundo Divishon tin un pousa chikí despues di a tèrminá ku e kampionato regular kaminda Vesta a sali kampion di e kampionato regular, invíkto ku un total di 48 punto. Dia 3 di ougùstùs binidero e buèlta di 6 ta bai ranka sali kaminda Vesta, U.D.Tera Kòrá, Inter Willemstad, Marquita, Mahuma i Indekor lo bai kompetí pa wak kua ta pasa e buèlta di 4 i finalmente pasa pa e gran final di Liga MCB Segundo Divishon.
Tabla di posishon Liga MCB Segundo Divishon:
| WH | WG | WE | WP | Pt | GF | GK | Saldo | |||
| 1 | Vesta | 16 | 16 | 0 | 0 | 48 | 43 | 5 | 38 | |
| 2 | U.D. Tera Kora | 16 | 7 | 5 | 4 | 26 | 27 | 25 | 2 | |
| 3 | Inter Willemstad | 16 | 7 | 3 | 6 | 24 | 33 | 27 | 6 | |
| 4 | Marquita | 16 | 5 | 7 | 4 | 22 | 24 | 23 | 1 | |
| 5 | C.H. Mahuma | 16 | 5 | 6 | 5 | 21 | 28 | 23 | 5 | |
| 6 | Indekor | 16 | 4 | 3 | 9 | 15 | 17 | 29 | -12 | |
| 7 | De Koning | 16 | 4 | 3 | 9 | 15 | 21 | 34 | -13 | |
| 8 | New Song | 16 | 3 | 5 | 8 | 14 | 21 | 33 | -12 | |
| 9 | Sta Cruz | 16 | 2 | 6 | 8 | 12 | 17 | 32 | -15 | |
| 144 | 53 | 38 | 53 | 197 | 231 | 231 | 0 |
Terser Divishon tambe ta kontinuá ku su terser buèlta i ta mira akshon tur djadumingu na tereno di FFK. E weganan aki ta grátis!
Manera tur siman MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di bo deporte preferí, e deporte rei futbòl. Liga MCB Promé Divishon ta kosta solamente fl.6,- general miéntras ku mucha te 12 aña i 60+ ta kosta fl.2.50.
Wega nan pa wikènt, Liga MCB Promé Divishon:
| Djabièrnè | 17 yüli 15 | 20.30 | Scherpenheuvel | vs | Victory Boys | SDK |
| Djasabra | 18 yüli 15 | 19.00 | Jong Holland | vs | C. Dominguito | SDK |
| 21.00 | CSD Barber | vs | Undeba | |||
| Djadumingu | 19 yüli 15 | 17.00 | Jong Colombia | vs | FC Sithoc | SDK |
| 19.00 | Hub. Fortuna | vs | Subt |
E weganan di e wikènt aki ta tuma lugá na SDK!
Wega pa djadumingu, Liga MCB Terser Divishon:
| Djadumingu | 19 yüli 15 | 17.00 | Buena Vista | vs | Haitian Union Klup |
E partido aki ta tuma lugá na FFK