FRANSIA — Jetro Willems a bandoná e kampamentu di entrenamentu di PSV pa motibu di un leshon na su rudia. E ekipo aktualmente ta hibando entrenamentunan na Evian-les-Bains, Fransia pero segun PSV, Jetro a biaha bek pa Hulanda pa laga chek su rudia.
Ayera e defensor lateral di PSV a bishitá un klínika na Genève. Akinan a bira konosi ku Jetro no por mira akshon mas e siman aki. E staf médiko di PSV na Hulanda ta spera ku mas pronto posibel nan por tin un prognosis riba e leshon di Jetro.