WILLEMSTAD — Resientemente, komo parti di e programa edukativo di FFK, a tuma lugá un kurso den kooperashon ku KNVB pa entrenadó hubenil di kategoria U-11 i U-13.?Errol ‘Joy’ St. Jago instruktor di KNVB tabata esun ku a keda enkargá pa duna e kurso aki ku a konta ku koordinashon di Etiënne Siliee ku ta direktor tékniko di FFK.
E kurso a kuminsá djaluna 6 di yüli i a terminá djabièrnè 10 di yüli, pues e ta tin un durashon di 5 dia.
E apertura di e?kurso aki a?tuma lugá na edifisio di FFK i e kurso mes a wòrdu organisá na e kompleho deportivo di Vesta, mihó konosí komo Stadion Jo Mathilda, na tereno di Willemstad i den e sala di FFK.
E kurso a ser repartí den 2 parti. Mainta 9or pa 12 di mèrdia?e promé parti?tabata esun práktiko ku a konta ku diferente hóbennan di kategoria U-11 i U-13 ku a bin pa asistí durante e kurso nan i despues a tuma lugá e segundo parti ku ta esun teorétiko, i práktiko didáktiko di mitar di 7 pa 9or di anochi.
E kurso aki tabata supsidiá pa FFK I KNVB I a konta ku partisipashon di 33 persona di kual 26 a kab’é ku éksito I a haña nan sertifikado di KNVB. Awó nos por bisa ku e famia di futbòl ta konta ku 26 entrenadó hubenil mas.
FFK ta hasi un apelashon na e kursistanan ku no ta pertenesé na un klup ainda, pa djòin un klup di FFK pa yuda desaroyá i engrandesé e deporte di futbòl!