HAPON — Wladimir Balentien lo por regresá ku e ekipo di Tokyo Yakult Swallows den e próksimo luna. E presidente di e ekipo ta kere ku Wladimir Balentien lo por ta bek ku e ekipo di banda di mitar di e luna di ougùstùs.
Wladimir aktualmente ta na Merka kaminda e ta rekuperando di un leshon ku e la sufri na su pia robes. Den e partido di 24 di aprel ultimo, Wladimir a leshoná un múskulo den su bèl di pia robes. Segun e ekipo di Swallows, Wladimir a opera su pia i tur kos ta mustra ku Wladimir ta rekuperando satisfaktoriamente.
E temporada aki Wladimir a hunga den solamente un partido i tabata presisamente e partido aki den kua e la leshoná su pia robes.