WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan den Stadion Antoine Maduro. Riba djabièrnè tabata e ekipo di Jong Colombia ku a enfremta UNDEBA. Akinan tabata Jong Colombia ku a logra e tres puntonan despues di a derota UNDEBA ku skor di 2-1. E golnan di Jong Colombia a keda anota pa Frenly Servania i Munier Asiedu. E gol di UNDEBA a keda anota pa Edgard Cassiani.
Riba djasabra e kampionato a kontinuá ku dos partido. Den e promé partido tabata Centro Dominguito ku a enfrenta Victory Boys. Akinan tabata Centro Dominguito ku a derota Victory Boys ku skor di 2-1. E golnan di Centro Dominguito a keda anota pa Ashar Bernardus i Luidjino Hoyer. Mientras ku e uniko di Victory Boys a keda anota pa Damien de Kaster.
Den e di dos partido di djasabra tabata Scherpenheuvel ku a enfrenta SUBT. E partido aki a finalisa ku un empate di un gol pa banda. E gol di Scherpenheuvel a keda anota pa Jurven Koffy. Mientras esun di SUBT a keda anota pa Rayno Inesia.
E kampionato a kontinuá djadumingu ku dos partido. Den e promé partido tabata Hubentut Fortuna ku a enfrenta Sithoc. Akinan tabata Hubentut Fortuna ku a derota Sithoc ku skor di 5-1. E golnan di Hubentut Fortuna a keda anota pa Tyrone Maria(3x), Rugeen Snoijl i Ishuar Martina. E uniko di Sithoc a keda anota pa Jonathan Getruide.
Den e di dos partido tabata Jong Holland ku a topa ku Centro Barber. Akinan e ekiponan a parti punto despues di a empata na dos gol. E golnan di Jong Holland a keda anota pa Isai Marselia i Jerachmeel Cleofa. Pa Barber ambos gol a keda anota pa Jurensley Martina