Jong Holland ta bin bek i gana Sithoc

WILLEMSTAD — Kampionato di futbòl Liga MCB a kontinuá ayera ku e partido entre Jong Holland i Sithoc den Stadion Antoine Maduro (SUBT). Den e partido aki tabata Jong Holland ku a bin djatras i bai ku e viktoria di 2-1 riba Sithoc. E ekipo di Sithoc a bai ariba 1-0 den promé mitar ku gol di Jason Inecia. Den e di dos mitar tabata Riddick Koeiman ku a anotá ambos gol pa Jong Holland bin bek i derota Sithoc.