WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan den Stadion Antoine Maduro (SUBT). E wikènt aki no tabata tin partido riba djabièrnè pa motibu di e partido amistoso entre Kòrsou i Trinidad i Tobago. Pero riba djasabra si partidonan a kontinuá ku dos partido manera ta kustumber.
Den e promé partido tabata Centro Barber ku a enfrentá e ekipo di Sithoc. Akinan tabata e ekipo di Centro Barber ku a derota Sithoc ku skor di 3-1. Pa Barber e golnan a keda anotá pa Jurensley Martina (2x) i Mirco Colina Jr. E úniko gol di Sithoc a keda anotá pa Norjendi Sint Jago.
Den e di dos partido di djasabra tabata UNDEBA ku a topa ku Hubentut Fortuna. Akinan tabata UNDEBA kua logra e tres puntonan despues di a derota Hubentut Fortuna ku skor di 5-2. Pa UNDEBA e golnan e keda anotá pa Alejandro Arajo (3x) i Jimbertson Vapor (2x). E golnan di Hubentut Fortuna a keda anota pa Dario Arias i Luis Fruto Miranda.
Riba djadumingu tambe tabata tin dos partido den Liga MCB. Den e promé partido di djadumingu tabata Centro Dominguito ku e enfrentá Jong Colombia. Akinan tabata Centro Dominguito ku ta logra e tres puntonan, masakrando Jong Colombia ku skor di 14-0. Pa Dominguito e golnan a keda anotá pa, Norvianel Naar (5x), Ivanny Calvenhoven (2x), Shairon Bernardus (2x), Lisandro Trinidad (2x), Stallone Isenia, Steward Sambo i Ashar Bernardus.
Den e di dos partido di djadumingu e ekipo di Victory Boys a topa ku SUBT. Akinan tabata Vicotry Boys ku a logra e viktoria derotando SUBT ku skor di 2-1. Ambos gol di Victory Boys a keda anotá pa Jimmy de Kaster. E úniko di SUBT a keda anotá pa Dexter Cicilia