MERKA – E ekipo di Licoln Saltdogs a anusia ku nan a yega na un akuerdo ku e picher Kurasoleño, Shairon Martis. Shairon resientemente tabata ku e ekipo di Bridgeport Bluefish. Akinan kosnan no a bai bon pa e eks-picher di Minnesota Twins i Washington Nationals. Bluefish a laga Shairon den libertad despues di a picha solamente dos tersio ku e ekipo ku un efektividat di 108.00.
Temporada pasa Shairon a hunga na Taiwan pa e ekipo di Uni-President7-Eleven Lions. Akinan e pciher di 28 aña di edat a logra un rèkert di 8-7 ku un efektividat di 3.14.
Den Lincoln Saltdogs Shairon lo unis u mes ku otro Kurasoleño, esta Curt Smith. Curt aktualmente ta leshona I no ta mirando akshon pa Saltdogs, pero den sinku partido ku e ekipo e pelotero a logra un promedio di .308 ku 3 kareda empuha.