MERKA — Ayera Gianfranco Wawoe a keda manda pa e ekipo di Jackson Generals den Dòbel A. Gianfranco ku ta forma parti di e organisashon di Seattle Mariners a habri temporada den Klase A ku e ekipo di Clinton LumberKings. Akinan despues ku Gianfranco a kuminsá temporada kayente a logra un promedio di .250 ku 3 honron i 8 kareda empuha den 38 partido.
Esaki ta e promé temporada ku e pelotero di 20 aña subi riba e Liga di Nobato, hungando te ku ayera den Klase A i awor den Dòbel A. E shortstop di Kòrsou a kuminsá su karera profeshonal na aña 2011 kaminda e la hunga pa tres temporada den e Liga di Nobato na Venezuela i na 2014 den e mesun liga na Merka.