HELMOND — E delantero di e selekshon di Korsou, Charlton Vicento a yega na un akuerdo pa dos temporada ku e ekipo di Helmond Sport. Temporada pasa Vicento tabata ku e ekipo di Willem II den Eredivisie i ta opta pa baha un divishon i bai hunga awor den e Liga Jupiler.
Segun e direktor di Helmond Sport Mario Captein, “Charlton a yega den un etapa den su karera kaminda ta importante pa haña tempu di wega den partidonan di kompetensia i e oportunidat aki lo e haña serka Helmond Sport.”
Pa Charlton e idea prinsipal ta pa yuda Helmond Sport yega den top di e Liga Jupiler i despues promové ku e ekipo pa Eredivisie.