HAPON — Tin manera un mala suerta ta persigui peloteronan Kurasoleño e temporada aki. Despues ku Jair Jurrjens, Jonathan Schoop, Jurickson Profar i Kenley Jansen no ta aktivo pa motibu di leshon, awor ta Wladimir ‘Coco’ Balentien ta bai regresa riba hungado inkapasita.
Wladimir ‘Coco’ Balentien a keda añadi ayera riba e roster aktivo di Tokyo Yakult Swallows. Esaki despues di shete luna sin hunga beisbol pa motibu di operashon ku e pelotero mester a hasi na su tendon di Achilles robes.
Wladimir a kuminsa hunga ku e ekipo di Swallows den Liga Menor i ayera a haña e oportunidat pa ta bek ku e ekipo prinsipal di Tokyo Yakult Swallows. E regreso Wladimir a dura te den di sinku entrada ora ku segun e ekipo di Swallows e pelotero a sinti dolo den su hamstring robes.
Mientras ku e ekipo di Tokyo Yakult Swallows no a konfirma esaki ainda tin informashonnan for di Hapon ta bisa ku Wladimir lo perde kuater pa seis siman ku un sker den su muskulo di pia robes.
Den e partido di ayera Wladimir no a konekta hit den un turno na bate ku un base por bola.
Video di momentu Wladimir a leshona