JAMAICA – E Union di Futbòl Karibense, mihó konosí komo CFU a anunsiá ku nan a hasi algun kambio den e fechanan di e CFU Men’s Caribbean Cup Tournament. E kambio den e fechanan a bin despues di petishon di por lo ménos tres di e asosiashonnan di futbòl partisipante.
Ku e kambio e paisnan ku ta den Grupo A, kual ta Cuba, French Guiana, Kòrsou i Trinidat i Tobago lo kuminsá hunga dia 11 di novèmber próksimo i lo tin nan di dos i di tres partido riba 13 i 15 di novèmber respektivamente.
Ekiponan den Grupo B, kual ta; Antigua & Barbuda, Haiti, Jamaica i Martinique lo kuminsá nan partidonan dia 12 di novèmber.
Skema nobo di partido den Grupo A:
| Fecha | Ekipo A | Ekipo B |
| 11 di novèmber | Kòrsou | Trinidad & Tobago |
| Cuba | French Guiana | |
| 13 di novèmber | Trinidad & Tobago | French Guiana |
| Kòrsou | Cuba | |
| 15 di novèmber | French Guiana | Kòrsou |
| Cuba | Trinidad & Tobago |