Liga MCB Promé Divishon buèlta di 6 ta kontinuá wikènt aki

WILLEMSTAD – Debí ku e selekshon nashonal senior di Kòrsou a biaha pa Guadeloupe pa bai representá pais den e di 2 buèlta di e CFU Men’s Caribbean Cup Tournament, Liga MCB Promé Divishon no a mira akshon e siman tras di lomba. Pero awor ku a nan a regresá e weganan lo kontinuá e wikènt aki den Stadion Ergilio Hato.

E partido nan ku tin programa pa wikènt aki ta lo siguiente:

Djabièrnè 17 okt. 14      20.30 Victory Boys Subt
Djasabra 18 okt. 14      20.30 CSD Barber Undeba
Djadumingu 19 okt. 14      18.00 Jong Holland Dominguito


Tabla di posishon Liga MCB Promé Divishon buèlta di 6:

Ekipo PH G E P GF GK Saldo Pto
Centro Dominguito 2 2 0 0 5 1 4 6
Centro Barber 2 1 1 0 5 3 2 4
Victory Boys 2 0 2 0 6 6 0 2
Jong Holland 2 0 2 0 3 3 0 2
UNDEBA 2 0 1 1 0 2 -1 1
SUBT 2 0 0 2 1 6 -5 0

Segunda divishon su buèlta di 6 a kulminá algun dia pasa i e 4 ekiponan ku lo kontinuá den e buèlta di 4 ya ta konosí. Esakinan ta; Mahuma, Scherpenheuvel, Tera Kora i New Song. Awor aki tur kos lo bai kuminsá di nobo i tur ekipo ta kuminsá na 0. Pues nan tur tin ku bai hasi nan bèst pa asina nos sa ta kua ta e 2 partidonan ku lo bai enfrentá oro den e gran final di Liga MCB Segunda Divishon.

E partido nan ku tin programa pa otro siman den Segunda Divishon:

Djárason 22 okt. 14    20.30 C.H. Mahuma vs New Song FFK
    20.30 Scherpenheuvel vs U.D. Tera Kora SDK


Tabla di posishon final di Segunda Divishon buèlta di 6:

WH WG WE WP Pt GF GK Saldo
1 C.H. Mahuma 5 4 1 0 13 11 2 9
2 Scherpenheuvel 5 3 2 0 11 11 2 9
3 U.D. Tera Kora 5 2 2 1 8 5 4 1
4 New Song 5 1 2 2 5 4 7 -3
5 Inter Willemstad 5 1 1 3 4 6 6 0
6 Marquita 5 0 0 5 0 1 17 -16
                 
  30 11 8 11 41 38 38 0

FFK i MCB kier invitá hinter e pueblo di Kòrsou pa bin presensia e kontinuashon di Liga MCB su buèlta di 6 i e promé partidonan di Segunda Divishon su buèlta di 4 i mas despues pa e wega final ku ta plania pa tuma lugá den kuminsamentu di novèmber.

E kosto pa e weganan di Liga MCB Promé Divishon ta lo siguiente; fl. 7.50 pa hende grandi i fl. 2.50 pa mucha i 60+. Pa Liga MCB Segunda Divishon ta fl.2,- so so pa tur hende. Bin ku hinter bo famia pa asina pasa un ratu agradabel i disfrutá di e tremendo partidonan di Liga MCB Promé Divishon buèlta di 6 i Segunda Divishon buèlta di 4.

Terser Divishon tambe a yega na su final i e ekipo kampion ya ta konosí. Esaki despues ku den e luna di yüli e divishon aki a kuminsá ku 4 ekipo ku kada wikènt i tambe durante siman tabata hunga kontra otro. E 4 ekiponan aki ta Undeba, Caribbean International University, Juventut Westpunt i Didi Skerpene. E ekipo ku a titulá kampion di Terser Divishon ta Caribbean International University (CIU) ku un total di 15 punto. Undeba su partisipashon na e divishon aki no ta konta den e puntuashon debí ku nan a partisipá pa kontribuí na e divishon. CIU ta pasa mesora pa e Segundo Divishon mirando ku e ekipo di Buena Vista a degradá pa Terser Divishon.

Tabla di posishon final di Terser Divishon:

WH WG WE WP Pt GF GK Saldo
1 Undeba 8 7 1 0 22 29 8 21
2 Car. University 8 5 0 3 15 24 18 6
3 Juv. Westpunt 7 2 0 5 6 10 20 -10
4 Didi Skerpene 7 0 1 6 1 5 22 -17
 
  30 14 2 14 44 68 68 0