WILLEMSTAD – Kòrsou su selekshon nashonal a empatá ku Martinique den e promé partido di e CFU Men’s Caribbean Cup Tournament na Guadeloupe. Despues di a kai atras ku skor di 1-0, e selekshon Kurasoleño a lucha i bin empatá e partido na 1 gol faltando 5 minüt di tempu reglamentario.
Den e otro partido ku a tuma lugá den e pul di Kòrsou, e ekipo di kas Guadeloupe ta derota St. Vincent & The Grenadines ku skor di 3-1.
Pa Kòrsou e siguiente partido lo ta djabièrnè 10 di òktober ora ku e selekshon nashonal enfrentá St. Vincent & The Grenadines.
Tabla di posishon despues di e promé partido:
| Ekipo | PH | G | E | P | GF | GK | GD | Pt |
| Guadeloupe | 1 | 1 | 0 | 0 | 3 | 1 | 2 | 3 |
| Curacao | 1 | 0 | 1 | 0 | 1 | 1 | 0 | 1 |
| Martinique | 1 | 0 | 1 | 0 | 1 | 1 | 0 | 1 |
| St. Vincent & The Grenadines | 1 | 0 | 0 | 1 | 1 | 3 | -2 | 0 |