Resultadonan di Beisbòl Profeshonal Hapones Nippon ayera:
- Orix Buffaloes a derotá Rakuten Golden Eagles ku skor di 3-2
Andruw Jones no a hunga den e partido aki. Ku esaki temporada regular di beisbòl Hapones a yega su final. Andruw a finalisá temporada ku un promedio di .221 ku 24 honron i 71 kareda empuha. E ekipo di Rakuten Golden Eagles a finalisá den bòm di Liga Pasífiko ku un rèkert di 64-80, 17 wega tras di SoftBank Hawks
- Tokyo Yakult Swallows tambe a finalisá temporada den bòm di Liga Sentral. E ekipo tabata tin un rèkert di 60-81 ku 3 wega empatá i 21 wega atras di Yomiuri Giants. Wladimir Balentien a finalisá temporada ku un promedio di .301 ku 31 honron i 69 kareda empuha
Resultadonan di Beisbòl Liga Grandi di ayera:
Division Series Liga Nashonal
- Los Angeles Dodgers a pèrdè di St. Louis Cardinals ku skor di 3-2
Despues di a bai ariba 2-0 den di 6 entrada, Dodgers ta pèrdè e bentaha den di 7 entrada riba un honron di 3 kareda konektá pa Matt Adams kontra Clayton Kershaw. Ku e viktoria Cardinals ta eliminá Dodgers i ta sigui pa e Division Series di Liga Nashonal djasabra próksimo
- Washington Nationals ta pèrdè di San Francisco Giants ku skor di 3-2
Despues di tabata ariba 2-0, Washington Nationals a empatá e partido riba un honron di Bryce Harper den kabes di 7 entrada. E empate no a dura masha. Mes ora den bòm di 7 entrada San Francisco a logra anotá e kareda di viktoria riba un ‘wild pitch’ di e relevista Aaron Barrett. Ku e viktoria aki San Francisco ta eliminá Nationals i sigui pa e Division Series di Liga Nashonal kontra St. Louis Cardinals djasabra próksimo
Partidónan di Liga Grandi pa awe:
- Ku final di e serinan di Division tantu den Liga Nashonal komo den Liga Merikano, awe no tin wega den Liga Grandi
E siguiente partidonan lo ta:
Kampionato di Liga Merikano
- Djabièrnè 10 di òktober, Kansas City Royals kontra Baltimore Orioles 8’or di anochi
Kampionato di Liga Nashonal
- Djasabra 11 di òktober, San Francisco Giants kontra St. Louis Cardinals 8’or di anochi