Resultadonan di Beisbòl Profeshonal Hapones Nippon ayera:
- Orix Buffaloes a derota Rakuten Golden Eagles ku skor di 7-3
Andruw Jones no a konektá hit den 4 turno na bate. Andruw tin un promedio di .223. Andruw Jones den un deklarashon a bisa; ku e no sa ainda unda lo e hunga beisbòl otro aña. Sin embargo, Andruw a bisa ku e ta deseá di yega su di 500 honron akumulá den Liga Grandi i den beisbòl profeshonal Hapones na Hapon. Aktualmente Andruw tin 484 honron, 434 den Liga Grandi i 50 na Hapon. E ekipo di Rakuten Golden Eagles no a disidí ainda si nan ta bai kontratá e servisionan di Andruw pa e siguiente temporada. Na final di e temporada Andruw ta finalisá un kontrakt di un aña pa pa $3.8 mion ku Rakuten Golden Eagles
Resultadonan di Beisbòl Liga Grandi di ayera:
- Oakland Athletics a pèrdè di Kansas City Royals ku skor di 9-8 den 12 entrada
E ekipo di Oakland Athletics a bai ariba den promé entrada, despues den bòm di 3 entrada Kansas ta bin bek i hasi e partido 3-2. Den di 6 entrada Oakland ta bai bek ariba anotando 5 kareda. Royals ta empatá e partido anotando 3 kareda den di 8 entrada i 1 kareda den di 9 entrada. Oakland a bolbe bai ariba ku skor di 8-7 den 12 entrada. E bentaha di Oakland no a dura masha i Kansas ta laganan den tereno anotando 2 kareda den bòm di 12 entrada i logra e viktoria di 9-8. Ku e derota aki Kansas City Royals ta pasa pa e Division Series di Liga Merkikano i lo enfrentá Los Angeles Angels kuminsando mañan, djaweps
Partidónan di Liga Grandi pa awe:
- San Francisco Giants kontra Pittsburgh Pirates
E ganadó di e partido aki lo topa ku Washington Nationals djabièrnè próksimo den e promé partido di e Division Series di Liga Nashonal
Breve:
- E ekipo di Los Angeles Dodgers a anunsiá ku a ménos di un leshon, ku mester trese kambio den e roster, Roger Bernadina lo no ta riba roster pa e Division Series di Liga Nashonal. Roger a sera temporada regular ku un promedio di .167 ku 1 honron, 9 kareda empuha i 5 anotá
- ESPN a skohe Andrelton Simmons komo mihó hungadó defensivo pa luna di sèptèmber
- E coach di bateo di Atlanta Braves, Greg Walker a entrega su karta di retiro serka manager di e ekipo Fredi Gonzalez. Banda di un coach di bateo, Atlanta ta en búskeda di un gerente general tambe despues ku e ekipo a retirá Frank Wren.