PORT AU PRINCE – E selekshon di Kòrsou U-20 a keda eliminá for di e klasifikatorio pa Mundial U-20 otro aña. E eliminashon a bin apesar di e viktoria ku e selekshon nashonal a logra riba Surnam. Ku golnan di Isai Marseila(2x) i Jersylee Riley, Kòrsou a bin bek di atras na dos okashon pa gana ku skor di 3-2.
Adishonal na e tres puntonan ku e selekshon Kurasoleño a logra den e partido aki, tambe e selekshon mester a gana ku diferensia di tres of mas gol. Mas aleu den e otro partido e selekshon di Cuba mester a pèrdè di Trinidat i Tobago ku diferensia di tres of mas gol. E ultimo aki tampoko tabata e kaso ora ku Cuba a empatá na 1 gol ku Trinidat i Tobago.
Ku e resultado aki Kòrsou a finalisá den bòm di Grupo A ku tres punto i ta keda elimina huntu ku Surnam.