Centro Barber ta gana temporada regular riba ultimo fecha

WILLEMSTAD – Futbol Liga MCB a kontinua den wikent tras di lomba ku e ultimo partidonan prome ku kuminsa ku e weganan di Kaya 6. Tur e ekiponan di Kaya 6 ya ta defini. E uniko interogatorio ku a keda ta kua ekipo lo hunga e partido nan di promoshon i degradashon.

Djabierne e ekipo di Sithoc a enfrenta Vesta. Akinan Sithoc a logra di keda den prome divishon empatando ku Vesta na un gol. Ku e empate aki Sithoc tin 14 punto mientras ku Vesta a keda den bom ku 12 punto i mester hunga partido di promoshon i degradashon.

Djasabra den e prome partido Jong Holland a empata ku 0 gol ku SUBT. Ku esaki Jonh Holland a finalisa e di dos parti di temporada ku 29 punto mientras ku Jong Holland a termina ku 31 punto. Den e di dos partido di djasabra Centro Barber a derota Jong Colombia ku skor di 3-1. Ku e resultado aki Jong Colombia a termina ku 12 punto meskos ku Vesta pero ta hana e penultimo luga riba e tabla di posishon pa motibu di saldo di gol. Pa Centro Barber e viktoria aki tabata hopi importante ya komo ku esaki a laganan finalisa temporada regular na prome luga.

Djadumingu Centro Domiguito a enfrenta UNDEBA. Akinan Dominguito tabata tin mester di un viktoria pa nan finalisa na prome luga riba e tabla di posishon. Sin embargo, esaki no a logra i Dominguito a empta ku UNDEBA na 1 gol. Despues a kontinua e partido di Victory Boys i Hubentut Fortuna. Akinan tabata Victory Boys ku a bai ku e viktoria goliando Hubentut Fortuna ku skor di 6-0.