WILLEMSTAD – Despues ku nos selekshon di nashonal kategoria u-17 a biaha pa St Lucia, 18 di ougùstùs último pa asina representá Kòrsou na e weganan di klasifikashon pa mundial di FIFA u-17, nan a regresá bek djaluna 25 di ougùstùs último. Lamentablemente nos selekshon no a logra sigui pa e di 2 buèlta, esaki despues di a sufri 3 derota i keda eliminá.
Den nos promé kompromiso kontra St. Lucia, nos a pèrdè ku e skor di 4-2, e golnan a keda anotá pa Sherendric Fransinet ku Kevin Lodovica. Den e segundo kompromiso nos selekshon a kai vensí di Trinidad & Tobago ku e skor di 2-0 i den nos lastu partido, Grenada a sa di gana nos ku e skor di 4 pa1. E úniko gol di Kòrsou den e partido e a keda anotá pa Sherendric Fransinet
Total a sali un grupo di 18 hungadó ku a wòrdu dirigí pa Sr. Ludwig Alberto ku ta e direktor tékniko di e selekshon aki i Sr. Marcelo Marcelie ku Sr. Reynold Mercera ku ta e asistentenan di e direktor tékniko. Tambe a biaha huntu ku e selekshon Sr. Hans van Elden ku ta e advisor di e parti tékniko, Sr. Eulogio Leocadia ku ta esun enkargá ku e materialnan di e selekshon, 1 masahista kual ta Sr. Malcolm Pieternella i e hefe di delegashon ku ta Sr. Mirco Colina, miembro di direktiva di FFK.
FFK i MCB, e amigu di deporte kier a gradisí nos selekshon nashonal di u-17 pa e bon trabou ku nan a hasi i kier a enkurashá e hóbennan aki pa nan sigui ku e bon trabou pa asina otro bia nos bai pa e título máksimo.