WILLEMSTAD – Djasabra 30 di ougùstùs benidero lo tuma lugá e apertura di e kampaña Live Your Goals ku un gran festival di futbòl pa damitanan di 6 pa 12 aña. E festival aki lo tuma lugá na tereno di FFK, patras di SDK na Brievengat. FFK a aserka diferente skol i a invitánan na e festival di djasabra pero FFK ke enfatisá ku tur hende ta bon bini i por partisipá na e aktividat òf apoyá e partisipantenan dia 30 benidero.
Aki ta sigui e programashon di djasabra, 30 di ougùstùs:
09.00 am: desfile di e partisipantenan uniformá
09.10 am: palabra di apertura di Rignaal’Jean’ Fransisca, presidente di FFK
09.20 am: palabra di bon bini di FIFA/CONCACAF
09.30 am: sake di e promé bala dor di e 3 embahadora nan.
09.35 am: seshon di zumba pa ‘warm-up’ e públiko i tur partisipante
10.00 am: komienso di e festival na diferente lokalidat riba tereno ku e partisipantenan
12.00 pm: klousura di e Festival
FFK kier a hasi un invitashon na hinter e pueblo di Kòrsou pa bin asistí na e festival di futbòl pa dama aki. Nos ta spera di por konta ku un tremendo públiko i un kantidat di damita ku ta interesá pa praktiká e deporte aki. Tambe e públiko por disfrutá di un seshon di zumba i di bon músika di un DJ.
FFK ke enkurashá abo damita pa bin presensia e magno evento aki i inskribí bo mes pa un klup di futbòl p dama òf un di otro aktividatnan ku lo wòrdu organisá den transkurso di aña.
FFK ta wardabu na Live Your Goals!