HAPON – E di 28 honron di Wladimir Balentien den e partido kontra Yomiuri Giants den e partido di ayera tabata unu históriko. Ku e honron aki Wladimir a bira e di 160 pelotero den historia di beisbòl profeshonal Hapones ku ta konektá 150 honron den nan karera.
Banda di esaki tambe Wladimir ta bira e di kuater hungadó mas lihé pa yega 150 honron den su karera. Wladimir tabata tin mester 463 partido den beisbòl Hapones pa logra esaki. E tres peloteronan dilanti Wladimir ta: Alex Cabrera ku a logra 150 honron den 380 partido, Ralph Bryant ku tabata tin mester di 424 partido i Randy Bass ku a tuma 433 partido.