Resultadonan di Beisbòl Profeshonal Hapones Nippon ayera:
- Yomiuri Giants a derota Tokyo Yakult Swallows ku skor di 4-3 den 12 entrada
Wladimir Balentien no a konektá hit den 3 turno na bate. Wladimir tin un promedio di .277. Ainda Wladimir no ta 100 porshento rekuperá di su leshon na pia. Segun informashonnan Wladimir ta solamente 75 porshento rekuperá di e leshon na su tendon di agiles
- Rakuten Golden Eagles a gana di Orix Buffaloes ku skor di 7-1
Andruw Jones no tabata tin turno ofisial den e partido ku 4 base por bola. Andruw tin un promedio di .225
Resultadonan di Beisbòl Liga Grandi ayera:
- Liga Amerikano a derota Liga Nashonal ku skor di 5-3
Pa Liga Amerikano, Derek Jeter a bai di 2-2 ku un doblete i un kareda anotá. Miéntras ku Mike Trout di Los Angeles Angels a gana e premio di hungadó mas balioso, konektando 2 hit den 3 turno na bate ku 2 kareda empuha
Partidónan di Liga Grandi pa awe:
- Awe no tin partido den Liga Grandi, e di dos mitar di temporada ta kontinuá djabièrnè 18 di yüli próksimo
Breve:
Liga Menor Dòbel A
- Curt Smith a hunga den dos partido ayera pa Springfield Cardinals. Den e promé partido Curt a konektá 1 hit den 3 turno na bate ku 1 kareda empuha. Den e segundo partido tambe Curt a konektá 1 hit den 3 turno na bate. Curt tin un promedio di .279
- Juan Carlos Sulbaran tabata tin un salida sin desishon ayera pa Northwest Arkansas Naturals. Juan Carlos a picha 6 entrada kompletu, permitiendo 1 kareda i ponchando 5 batido. Juan Carlos tin un rèkert di 6-6 ku un efektividat di 3.00