COLORADO – E ekipo di Colorado Rockies a anunsiá ku Jair Jurrjens lo ta riba montikulo awe pa e ekipo. Jair lo ta riba montikulo kontra Clayton Kershaw di Los Angeles Dodgers. Colorado a risibí Jair den un kambio for di Cincinnati pa e primera base Harold Riggins. Inisialmente tabata intenshon pa Jair reportá ku e ekipo di Tripel A Colorado Springs, pero a bin un kambio den esaki i e pelotero a haña e yamada pa subi ku e ekipo di Liga Grandi.
E ultimo biaha ku Jair tabata riba montikulo tabata aña pasa ku e ekipo di Baltimore Orioles. E temporada aki Jair a picha na seis okashon den Tripel A ku e ekipo di Louisville Bats. Akinan e pelotero tabata tin un rèkert di 2-3 ku un efektividat di 4.46.