Jair Jurrjens a pasa pa Colorado Rockies den kambio

CINCINNATI – E ekipo di Cincinnati Reds a anunsiá ku nan a manda Jair Jurrjens pa e ekipo di Colorado Rockies den un kambio pa e primera base di Liga Menor Harold Riggins.

Despues di a habri temporada sin ekipo, riba 18 di Mei ultimo Jair a firma un kontrakt di Liga Menor ku e ekipo di Cincinnati Reds. Akinan Jair a keda asigná pa e ekipo di Louisville Bats den Tripel A. Meskos ku Cincinnati, Jair lo tin ku reportá na e ekipo di Triple A di Colorado kual ta Colorado Springs.

Den seis partido ku Louisville Bats e temporada aki Jair a logra un rèkert di 2-3 ku un efektividat di 4.46.