WILLEMSTAD – E kampionato lokal di futbòl Liga MCB ta kontinuá e wikènt aki na Stadion Ergilio Hato ku kuater partido.
Lo no tin partido awe djabierne manera ta kustumber, pero kampionato sigui normal djasabra ku djadumingu.
Djasabra ta bai tin dos partido, kuminsando ku 7’or Hubentud Fortuna kontra UNDEBA. Despues 9’or lo tin e partido entre Victory Boys i Vesta.
Djadumingu tambe tin dos partido, 5’or Jong Holland ta enfrentá Jong Colombia. Despues 7’or lo tin Sithoc kontra Centro Dominguito.