TOKIO, HAPON – E ekipo di Tokyo Yakult Swallows a pone Wladimir Balentien riba lista di hungadó leshoná. Segun e ekipo, Wladimir ta sufriendo di un leshon na su tendon di Achilles di su pia robes.
Djabièrnè ultimo despues di e partido kontra Rakuten Golden Eagles, Wladimir a notifiká manager di e ekipo, Junji Ogawa di e leshon. Segun e manager, ya pa un tempu kaba e pia robes di Wladimir a bin ta molesti’e.
E ekipo no sa ainda pa kuantu tempu Wladimir lo keda sin hunga. Wladimir tin un promedio aktual di .283 ku 18 honron i 41 kareda empuha. Brad Eldred ku 21 honron konektá ta liderando beisbòl Hapones ku mas honron konektá.