WILLEMSTAD – Futbòl Liga MCB a kontinuá den wikènt tras di lomba ku tres partido na Stadion Ergilio Hato. Den e promé partido djabièrnè anochi, e ekipo di Victory Boys ta empatá ku Centro Barber na dos gol. Pa Victory Boys e golnan a keda anotá pa Randall Winkllar i Vilyson Lake. Miéntras ku pa Centro Barber ambos gol a keda anotá pa Christopher Isenia.
Djasabra e kampionato a kontinuá ku dos partido. Den e promé partido e ekipo di Sithoc a topa ku SUBT. Niun di dos ekipo a sa di anotá gol i a partido a finalisá na 0 gol pa banda.
Den e di dos partido di djasabra e ekipo di Centro Dominguito a golia Vesta ku skor di 5-1. a Dominguito e golnan a keda anotá pa Ashar Bernardus na tres okashon i Mirco Colina Jr. na dos okashon. E uniko gol di Vesta a keda anotá pa Ruchendro Kierindongo.
Ayera djadumingu no tabata tin wega manera sa ta e kustumber, pero a kampionato ta kontinuá awe ora ku UNDEBA enfrentá Jong Colombia.