PHOENIX, ARIZONA – E ekipo di Arizona Diamondbacks a anunsiá ku nan a añadí Didi Gregorius na e ekipo di Liga Grandi. Den e moveshon aki e ekipo di Arizona a buta e hungadó di kuadro Cliff Pennington riba lista di hungadó leshoná.
Didi tabata tin un promedio di .310 ku 14 doblete, 4 tripel, 3 honron, 25 kareda empuha i 42 kareda anotá den 57 partido ku e ekipo di Reno Aces den Tripel A. Didi a habri e temporada ku e ekipo di Arizona ora ku e la hunga den dos partido ku e ekipo na Australia pa despues riba 29 di mart e keda manda Tripel A.
Temporada pasa ku e ekipo di Arizona Diamondbacks, Didi a logra un promedio di .252 ku 16 doblete, 7 honron, 28 kareda empuha i 47 anotá.