Centro Barber ta kuminsá di dos buèlta riba bon pia

WILLEMSTAD – Futbòl Liga MCB a kontinuá ayera ku e partidó entre Centro Barber i Hubentut Fortuna na Stadion Ergilio Hato. Centro Barber a kuminsá e di dos buèlta di Liga MCB riba bon pia, derotando e ekipo di Hubentut Fortuna. Na di 12 minüt di e partido e number 10 di Barber kual ta Ruensley Leuteria a habri e markadó. Ishuar Martina ta empatá e partido na di 21 minüt. Ruensley Leuteria na di 32 minüt ta manda Barber bek ariba ku e gol desisivo. E partido ta finalisá ku skor di 2-1 pa e ekipo di Centro Barber.