WILLEMSTAD – Futbòl Liga MCB a kontinuá ayera ku e partidó entre FC Sithoc i Undeba na Stadion Ergilio Hato. Na di 12 minüt di e partido Sithoc ta habri e markadó ku gol di Jonathan Geertruida. E partido ta keda 1-0 te den di 90+ minüt ora ku rèfri ta otorgá un pinalti na e ekipo di Undeba. Akinan pa medio di pinalti Lendell Johannes ta empatá e partido na un gol, ku tambe a resultá e skor final.
Awe nochi kampionato ta kontinuá ku e partido entre SUBT i Centro Dominguito.