WILLEMSTAD – Futbòl su kampionato Liga MCB a kontinuá djasabra ku dos partido na Stadion Ergilio Hato. Den e promé partido Jong Holland a hunga kontra Undeba. Akinan tabata Undeba ku a sa di sali di e porta grandi derotando Jong Holland ku skor di 2-1
Despues den e di dos partido Jong Colombia a enfrentá Vesta. Den e partido aki ta Jong Colombia a sali viktorioso ora ku nan a gana ku skor di 2-0 di Vesta.
Djadumingu no tabata tin partido i a kampionato ta kontinuá awe djaluna ora ku Subt topa ku e ekipo di Victory Boys. Pa mana djamars tambe tin un partido riba programa ora ku Sithoc tin ku enfrentá Centro Barber.