Roger Bernadina ofisialmente bek ku Cincinnati Reds

CINCINNATI – Manera tabata di spera, ayera ofisialmente e ekipo di Cincinnati Reds a añadí Roger Bernadina bek na nan roster. Roger tabata na Cincinnati ainda ora ku e la risibí e yamada di e ekipo. Segun Roger: “bo no sa nunka ku beisbòl. Ma risibí e yamada i tabata kla pa regresá ku e tim. Mi tabata kla pa kualke kos”, Roger a bisa.

Roger lo tuma e lugá di Jay Bruce riba e roster di Cincinnati Reds. Bruce a keda pone riba lista di hungadó leshoná pa 15 dia pero e ekipo ta kere ku e pelotero lo pèrdè sigur un luna.

Roger tabata tin un promedio di .143, konektando kuater hit den 28 turno i solamente un hit den 11 turno komo batido emergente.