CINCINNATI – Manera ta konosí e ekipo di Cincinnati Reds a designa Roger Bernadina pa asignashon djasabra ultimo. Ku e moveshon aki e ekipo tabata tin 10 dia pa disidí kiko nan ta bai hasi ku e pelotero.
Ayera e ekipo di Cincinnati a pone Roger riba ‘waivers’ i a duna otro ekiponan e oportunidat pa reklamá e pelotero. Komo ku niun ekipo no a reklamá Roger, e ekipo a haña aprobashon di Roger pa mand’e Tripel A ku e ekipo di Louisville Bats.
Awe e ekipo di Cincinnati Reds lo pone e pelotero Jay Bruce riba lista di hungadó leshoná. Ku esaki e ekipo lo subi Roger for di Tripel A i trese e pelotero bek ku e ekipo di Liga Grandi pa remplasá Jay Bruce.