WILLEMSTAD – E kampionato lokal di futbòl Liga MCB ta kontinuá e wikènt aki na Stadion Ergilio Hato ku sinku partido.
E partido nan ta kuminsá awe, djabièrnè 2 di mei pa 8’or di anochi ora ku UNDEBA enfrentá e ekipo di Vesta.
Djasabra 3 di mei tin dos partido. Promé, 7’or di anochi tin e partido entre Centro Dominguito i Centro Barber. Despues, 9’or di anochi, SUBT ta enfrentá Jong Holland.
Djadumingu 4 di mei tambe tin dos partido. Kuminsando 5’or di atardi ku e partido entre Jong Colombia i Sithoc. Mas lat, 7’or di anochi Victory Boys lo enfrentá Hubentut Fortuna.