Resultadonan di Beisbòl Profeshonal Hapones Nippon ayera:
- Tokyo Yakult Swallows a pèrdè di Hiroshima Toyo Carp ku skor di 9-2
Ku e derota aki e ekipo di Tokyo Yakult Swallows ta pèrdè nan di ocho partido konsekutivo. E ekipo di Yakult Swallows ta na e penúltimo lugá riba tabla di posishon den Liga Sentral ku 6 partido gana i 16 pèrdí. E ekipo ta 10 wega tras di Hiroshima Toyo Carp ku ta lidera Liga Sentral. Den e partido ayera Wladimir Balentien a konektá un hit den kuater turno na bate. Wladimir tin un promedio di .269 ku 11 honron i 19 kareda empuha e temporada aki
- Rakuten Golden Eagles a derota Seibu Lions ku skor di 6-1
E ekipo di Golden Eagles ta na di tres lugá den Liga Pasífiko ku 12 viktoria i 11 derota. Softbank Hawks ta lidera e tabla ku dos weg’i mei riba Golden Eagles. Andruw Jones ayera, no a konektá hit den tres turno na bate ku un base por bola i un kareda anotá. Andruw tin un promedio di .173 ku sinku honron i 10 kareda empuha
Resultado di Beisbòl Profeshonal Chines na Taiwan ayera:
- Uni-President 7-Eleven Lions a pèrdè di Lamigo Monkeys ku skor di 1-0 den 10 entrada
Shairon Martis a picha ocho entrada kompletu pa 7-Eleven Lions, permitiendo kuater hit i ponchando kuater sin permití kareda. Apesar di e bon prestashon, Shairon mester a konformá su mes ku un salida sin desishon. Shairon tin un rèkert di 1-0 den sinku partido ku un efektividat di 3.16
Resultadonan di Beisbòl Liga Grandi ayera:
- Kansas City Royals a pèrdè di Cleveland Indians ku skor di 5-1
- Cincinnati Reds a derota Pittsburgh Pirates ku skor di 2-1
Roger Bernadina a drenta komo batido emergente i no a konektá hit den un turno na bate. Roger su promedio ta di .095
- Chicago White Sox a pèrdè di Detroit Tigers ku skor di 7-4
- Minnesota Twins a derota Tampa Bay Rays ku skor di 9-7
- St. Louis Cardinals a pèrdè di New York Mets ku skor di 4-1
- Arizona Diamondbacks a derota Chicago Cubs ku skor di 5-2
- San Diego Padres a gana Washington Nationals ku skor di 4-3 den 12 entrada
- Baltimore Orioles a derota Toronto Blue Jays ku skor di 11-4
Jonathan Schoop a konektá un honron solitario den di sinku entrada pa su di dos honron di temporada. Den e partido Jonathan a konektá un hit den kuater turno na bate ku dos kareda anotá i un empuha. Jonathan tin un promedio aktual di .261
- New York Yankees a derota Boston Red Sox ku skor di 14-5
CC Sabathia a bai ku e viktoria pa Yankees. Tambe Major League Baseball a anunsiá awe ku nan ta suspendé Michael Pineda pa 10 wega. Esaki despues ku e picher a keda gara den e partido di ántayera ku ‘pine tar’ na su garganta. E suspension a kuminsá ku e partido di ayera nochi. Tambe e ekipo di New York Yankees lo pèrdè picher Ivan Nova pa e restu di e temporada. E picher djamars otro siman lo laga hasi e operashon di Tommy John.
- Oakland Athletics a derota Houston Astros ku skor di 10-1
- Philadelphia Phillies a gana Los Angeles Dodgers ku skor di 7-3
Kenley Jansen no a mira akshon den e partido aki
Partidónan di Liga Grandi pa awe:
- Kansas City Royals kontra Baltimore Orioles
- Los Angeles Angels kontra New York Yankees
- San Diego Padres kontra Washington Nationals
- Boston Red Sox kontra Toronto Blue Jays
- Miami Marlins kontra New York Mets
- Cincinnati Reds kontra Atlanta Braves
- Chicago Cubs kontra Milwaukee Brewers
- Detroit Tigers kontra Minnesota Twins
- Oakland Athletics kontra Houston Astros
- Tampa Bay Rays kontra Chicago White Sox
- Pittsburgh Pirates kontra St. Louis Cardinals
- Philadelphia Phillies kontra Arizona Diamondbacks
- Colorado Rockies kontra Los Angeles Dodgers
- Texas Rangers kontra Seattle Mariners
- Cleveland Indians kontra San Francisco Giants
Breve:
Liga Menor Tripel A
- Didi Gregorius no a konektá hit den kuater turno na bate ayera pa Reno Aces. Didi tin un promedio di .284
- Sharnol ‘Pachito’ Adriana no a konektá hit den tres turno na bate ayera pa Rojos del Aguila de Veracruz. Sharnol tin un promedio aktual di .136
Liga Menor Klase A
- Christopher Garia no tabata tin hit den un turno na bate ayera pa Myrtle Beach Pelicans. Chris tin un promedio di .282
- Carlton Daal no a konektá hit den tres turno na bate pa Dayton Dragons ku un base por bola. Carlton tin un promedio di .290
- John Polonius a konektá un hit den dos turno na bate ku un kareda empuha pa Augusta Greenjackets. John tin un promedio di .125