NORTH CAROLINA – Despues di a pasa un dia riba roster di Reno Aces den tripel A, Juremi Profar ta pasa pa e ekipo di Hickory Crawdads den klase A. E organisashon di Texas Rangers ta hasiendo diferente moveshon interno i ku esaki nan a promové Juremi pa klase A.
Juremi di 18 aña di edat a hunga temporada pasa den e Liga di Verano Dominikano na Republika Dominikana. Akinan e pelotero a logra un promedio di .281 ku 13 doblete i un tripel. Mes ora tambe Juremi ta bira e pelotero di mas hóben den e ekipo di Hickory Crawdads.