Resultadonan di Beisbòl Profeshonal Hapones Nippon ayera:
- Tokyo Yakult Swallows a pèrdè di Hiroshima Toyo Carp ku skor di 7-4
Wladimir Balentien a hunga right field den e partido aki i a konektá tres hit den kuater turno na bate ku dos kareda empuha. Wladimir a konektá su promé honron di temporada den di nuebe entrada ku un koredó na base. Wladimir tin un promedio aktual di .417
- Rakuten Golden Eagles a pèrdè di Orix Buffaloes ku skor di 4-2
Andruw Jones tabata batido designa den e partido aki i no a konektá hit den kuater turno na bate ku un kareda empuha. Andruw tin un promedio aktual di .154
Resultadonan di Beisbòl Liga Grandi ayera:
- Los Angeles Dodgers a derota San Diego Padres ku skor di 3-2
Yasiel Puig su honron di dos kareda den promé entrada a yuda Dodgers ku e viktoria. Kenley Jansen a picha e di nuebe entrada pa e ekipo di Los Angeles Dodgers. Den e entrada aki Jansen a permití dos hit, un base por bola i poncha dos pa su di dos wega salba di temporada. Kenley tin un efektividat di 3.86
- Colorado Rockies a pèrdè di Miami Marlins ku skor di 4-3
- New York Yankees a pèrdè di Houston Astros ku skor di 6-2
CC Sabathia ku e derota despues di permití seis kareda den e promé dos entradanan. Yankees a konektá solamente dos hit den seis ining i dos tèrsio kontra Scott Feldman
- Toronto Blue Jays a derota Tampa Bay Rays ku skor di 4-2
- Philadelphia Phillies a pèrdè di Texas Rangers ku skor di 3-2
Adrian Beltre a konektá hit empuhador den bòm di nuebe entrada pa laga e ekipo di Phillies den tereno
- Atlanta Braves a derota Milwaukee Brewers ku skor di 5-2
Jason Heyward a konektá un honron den e partido aki, miéntras ku Freddie Freeman a konektá dos honron. Andrelton Simmons a hunga shortstop i no a konektá hit den dos turno na bate, ku un base por bola i un kareda empuha
- San Francisco Giants a pèrdè di Arizona Diamondbacks ku skor di 5-4
- Cleveland Indians kontra Oakland Athletics a keda postpone
- Seattle Mariners a derota Los Angeles Angels ku skor di 8-3
Partidónan di Liga Grandi pa awe:
- Kansas City Royals kontra Detroit Tigers
- Atlanta Braves kontra Milwaukee Brewers
- Minnesota Twins kontra Chicago White Sox
- Cleveland Indians kontra Oakland Athletics promé partido
- Cleveland Indians kontra Oakland Athletics di dos partido
- Boston Red Sox kontra Baltimore Orioles
- Chicago Cubs kontra Pittsburgh Pirates
- Colorado Rockies kontra Miami Marlins
- St. Louis Cardinals kontra Cincinnati Reds
- Toronto Blue Jays kontra Tampa Bay Rays
- Washington Nationals kontra New York Mets
- Philadelphia Phillies kontra Texas Rangers
- New York Yankees kontra Houston Astros
- San Francisco Giants kontra Arizona Diamondbacks
- Seattle Mariners kontra Los Angeles Angels
- Los Angeles Dodgers kontra San Diego Padres
Breve:
- E relevista di Los Angeles Dodgers, Brian Wilson lo subi lista di hungadó leshoná. E pelotero tin un iritashon na su nèrvio di su kokoti drechi, e mesun kokoti ku e picher mester a opera na dos okashon den pasado. Tambe e ekipo a anunsiá ku nan picher habridó, Clayton Kershaw lo pèrdè por lo mínimo un luna di e temporada ku leshon na brasa. E manager di Dodgers, Don Mattingly a duna di konosé tambe ku tur kos ta mustra ku djabièrnè nan lo añadí outfielder Matt Kemp na nan roster di Liga Grandi.
- Segun e ekipo di Toronto Blue Jays, shortstop Jose Reyes lo pèrdè sigur e próksimo dos simannan di temporada. Reyes mester a bandoná e partido di djaluna kontra Tampa Bay Rays despues di leshoná su hamstring. Segun Reyes, e MRI ku e la hasi no a mustra daño na e múskulo. Solamente e mester di sosegá i e lo ta kla pa hunga atrobe, Reyes a bisa.