TAIWAN – Shairon Martis tabata tin su promé salida i ala bes su promé viktoria di temporada regular pa e ekipo di Uni-President 7-Eleven Lions ayera. Den e partido aki e ekipo di Uni-President 7-Eleven Lions a derota Lamigo Monkeys ku skor di 4-3.
E promé entrada tabata esun di mas turbulento pa Shairon kaminda e la permití dos kareda riba kuater hit. Despues di esaki Martis a establesé su mes den e partido, permitiendo solamente dos hit, un base por bola i dos ponche. Esaki a duna e ekipo di Shairon amplio oportunidat pa bin bek di e desbentaha di dos kareda i bai ariba ku skor di 4-2 den bon di sinku entrada.
Ku e viktoria aki Shairon tin un rèkert di un wega gana i sero pèrdí, ku un efektividat di 3.00 den e Liga di beisbòl profeshonal Chines.