HAARLEM, HULANDA – Despues di a keda laga den libertat pa e organisashon di Los Angeles Dodgers, e kècher Dashenko Ricardo ta krusa Atlántiko i ta bai hunga beisbòl na Hulanda. E kècher di 24 aña a yega na un akuerdo ku e ekipo di Corendon Kinheim.
Ricardo a hunga durante shete temporada beisbòl profeshonal na Merka, kaminda e la forma parti di Baltimore Orioles, San Francisco Giants i Los Angeles Dodgers. Den e temporada tras di lomba ku Dodgers, Dashenko a hunga un total di 37 partido repartí den klase A, dòbel A i tripel A. Huntu den e tres klasenan aki, Dashenko tabata tin un promedio di .196, ku 1 honron, 5 doblete i 10 kareda empuha.