Resultadonan di Spring Training ayera:
- Baltimore Orioles a derota Boston Red Sox ku skor di 5-4
Jonathan Schoop no a hunga den e partido aki
- Detroit Tigers a gana Philadelphia Phillies ku skor di 1-0
- Miami Marlins a pèrdè di Atlanta Braves ku skor di 9-2
Andrelton Simmons a hung shortstop i no a konektá hit den tres turno na bate. Su promedio aktual ta .267
- New York Yankees a pèrdè di Toronto Blue Jays ku skor di 10-6
- Pittsburgh Pirates a derota Minnesota Twins ku skor di 2-1
- Washington Nationals a pèrdè di St. Louis Cardinals ku skor di 3-2
- Kansas City Royals a pèrdè di San Diego Padres ku skor di 9-5
- Los Angeles Angels a derota Oakland Athletics ku skor di 6-2
- Seattle Mariners a pèrdè di Texas Rangers ku skor di 5-3
- Cincinnati Reds a pèrdè di Chicago White Sox ku skor di 9-5
Roger Bernadina a hunga centerfield i a konektá 1 hit den 4 turno na bate ku un kareda empuha. Roger su promedio aktual ta di .409
- Colorado Rockies a pèrdè di San Francisco Giants ku skor di 8-6
- Milwaukee Brewers a pèrdè di Cleveland Indians ku skor di 10-3
- Chicago Cubs a pèrdè di Arizona Diamondbacks ku skor di 14-4
Didi Gregorius a hung shortstop den e partido aki i no a konektá hit den 2 turno na bate. Su promedio aktual ta .195
- New York Mets a pèrdè di Houston Astros ku skor di 9-6
- Baltimore Orioles a empatá ku Tampa Bay Rays na 4 kareda
Jonathan Schoop a hunga tersera base den e partido aki i no a konektá hit den 3 turno na bate, ku 1 base por bola. Jonathan su promedio aktual ta di .368
Partidónan di Spring Training pa awe:
- Washington Nationals kontra New York Mets
- Atlanta Braves kontra Detroit Tigers
- Miami Marlins kontra St. Louis Cardinals
- New York Yankees kontra Pittsburgh Pirates
- Toronto Blue Jays kontra Philadelphia Phillies
- Arizona Diamondbacks kontra Cincinnati Reds
- Chicago White Sox kontra Chicago Cubs
- Cincinnati Reds kontra Milwaukee Brewers
- Cleveland Indians kontra Arizona Diamondbacks
- Minnesota Twins kontra Boston Red Sox
- Tampa Bay Rays kontra Baltimore Orioles
- Los Angeles Angels kontra Los Angeles Dodgers
- Oakland Athletics kontra San Francisco Giants
Breve:
- Segun gerente general di Arizona Diamondbacks, Kevin Towers, e no ta antisipando un kambio di ekipo pa Didi Gregorius. “Nos a haña diferente yamada di otro ekiponan pa nos hungadónan di kuadro, pero mi no ta antisipá niun kambio ku ta involukrá nos hungadónan di kuadro,” Towers a bisa. Mas aleu Towers a bisa, ku ainda e ekipo no a determiná si nan ta kuminsá e temporada ku un of dos hungadó di kuadro. E desishon ei tin ku wòrdu tuma te djasabra despues di wega. Segun Towers, e ta kere ku tur su hungadónan di kuadro ta keda ku e ekipo di Arizona Diamondbacks of ku e afiliashon di Diamondbacks den Tripel A, kual ta Reno Aces. E ekiponan ku tabata den kòmbersashon ku Diamondbacks pa un posibel kambio ta, Cincinnati Reds, Pittsburgh Pirates, Detroit Tigers, New York Mets i New York Yankees.
- E ekipo di Los Angeles Dodgers a informá ku picher Clayton Kershaw lo no ta disponibel pa picha e promé partido di temporada djadumingu awor. E picher a sinti un tiki doló na su lomba den entrenamentu. Esaki a pone ku e ekipo di Dodgers a mand’e bai hasi un MRI, loke a mustra ku e picher tin inflamashon na su lomba ariba.
- Segun un estudio hasi pa Associated Press, e ekipo di Los Angeles Dodgers ta e ekipo ku e payroll di mas altu e temporada aki. E ekipo di Dodgers a para e racha di 15 aña ku New York Yankees tabata tin ku e payroll di mas altu. Segun Associated Press e payroll di Dodgers ta keda proyektá na $235 mion dòler. Na di dos lugá ta New York Yankees ku un payroll di $204 mion dòler, miéntras ku na di tres lugá tin Philadelphia Phillies ku $180 mion dòler. Boston Red Sox ta na di kuater lugá ku $163 mion dòler i Detroit Tigers pega su tras ku $162 mion dòler. E ekipo di Hosuton Astros ta den bòm di e tabla ku un payroll di $45 mion dòler i e ekipo di Atlanta Braves ta den mei mei di e tabla ku un payroll di $106 mion dòler.