Resultadonan di Spring Training ayera:
- Minnesota Twins a pèrdè di St. Louis Cardinals ku skor di 3-1
- New York Yankees a derota Atlanta Braves ku skor di 7-0
Andrelton Simmons a hung shortstop den e partido aki i a konektá 1 hit den 3 turno na bate. Simmons su promedio aktual ta .250
- Philadelphia Phillies a pèrdè di Toronto Blue Jays ku skor di 11-6
- Tampa Bay Rays a gana Baltimore Orioles ku skor di 7-4
Jonathan Schoop a hunga shortstop den e partido aki i tabata tin 1 base por bola. Schoop su promedio ta keda na .400
- Los Angeles Angels a derota Chicago White Sox ku skor di 14-10
- Milwaukee Brewers a gana Seattle Mariners ku skor di 9-7
- Oakland Athletics a derota Cleveland Indians ku skor di 13-3
- Houston Astros a gana Washington Nationals ku skor di 2-0
- Pittsburgh Pirates a derota Boston Red Sox ku skor di 4-2
- Cincinnati Reds a pèrdè di Kansas City Royals ku skor di 6-3
Roger Bernadina no a hunga den e partido aki
- Chicago Cubs a pèrdè di Colorado Rockies ku skor di 9-6
Partidónan di Spring Training pa awe:
- Detroit Tigers kontra Washington Nationals
- Philadelphia Phillies kontra Houston Astros
- St. Louis Cardinals kontra Miami Marlins
- Toronto Blue Jays kontra Philadelphia Phillies
- Atlanta Braves kontra New York Mets
- Los Angeles Angels kontra Kansas City Royals
- Seattle Mariners kontra Chicago Cubs
- Texas Rangers kontra Cincinnati Reds
- Milwaukee Brewers kontra Colorado Rockies
- Baltimore Orioles kontra Pittsburgh Pirates
- Minnesota Twins kontra Tampa Bay Rays
- New York Yankees kontra Boston Red Sox
- San Francisco Giants kontra San Diego Padres
Breve:
- Segun picher di Baltimore Orioles, Miguel Gonzalez, Jonathan Schoop a prueba ku e por hunga na nivel di Liga Grandi. E picher ta kontentu di mira Schoop tur dia riba vèlt dunando un bon prestashon i konektá un pa dos hit tur dia. Gonzalez a bisa ku e ta mira e hamber ku Jonathan tin pa hunga den Liga Grandi. Segun e picher, Jonathan tin un bon chèns di keda den Liga Grandi i e ta kontentu di tin Jonathan den e ekipo.
- Segun informashonnan e ekipo di Arizona Diamondbacks ta dispuesto pa inkluí Didi Gregorius den kòmbersashonnan pa un posibel kambio. Tin informashonnan ku Didi lo por keda kambia pa e ekipo di New York Mets. Arizona Diamondbacks a manda un scout na e kampamentu di entrenamentu di Mets pa wak algun picher. Didi Gregoruis ta plania pa hunga den un di e partidónan kontra Los Angeles Dodgers na Australia, esaki e manager di e ekipo a bisa algun dia pasa.
- Baltimore Orioles a anunsiá ku nan a korta den nan roster di Spring Training i a manda tres pelotero Liga Menor. E peloteronan ta kècher, Johnny Monell, picher, Suk-Min Yoon i outfielder, Xavier Paul. Ku e korte aki Baltimore tin 43 pelotero na Spring Training awor.
- Picher di Atlanta Braves, Kris Medlen a keda opera na su èlebog ayera. Esaki despues ku Medlen a leshoná su brasa den e partido di Atlanta Braves kontra New York Mets dia 9 mart ultimo. E operashon Tommy John a keda hasi pa e konosedó dòkter James Andrews. Ku esaki Medlen ta pèrdè e temporada 2014 den su totalidat.
- Picher di Cincinnati Reds, Aroldis Chapman mester a bandoná e partido di ayera kontra Kansas City Royals despues ku e la risibí un liña den su kara for di bate di Salvador Perez di Kansas City Royals. Mesora a hiba e picher Kubano hospital kaminda eksámennan médiko a konkluí ku e tin un fraktura riba su wowo robes i su nanishi. E pelotero a keda interná den hospital pa mas opservashon.
- Awe e picher nobo di Atlanta Braves, Ervin Santana lo debutá pa e ekipo. E Picher a keda atkerí pa e ekipo di Atlanta Braves despues ku tantu Kris Medlen komo Brandon Beachy a sufri leshon na nan brasa.
- Robinson Cano ta bek na kampamentu di entrenamentu di e ekipo di Seattle Mariners. Cano a bandoná e ekipo djabièrnè ultimo pa bai Repúblika Dominikana kaminda e mester a atendé algun asuntu familiar. “Tur kos ta bon,” Cano a bisa. “Mi a atendé ku e kosnan i awor mi ta kla pa sigui. Ainda tin dos siman promé ku temporada kuminsá, pues tin tempu pa pone tur kos na òrdu.”